انظمة الحاسبات

اشكرك اخوية جريمة .... عليهم بعد

تعيش يا فايروس ماطول هالكد حساس انت راح امسح الانتي فيروس عالمود تعيش

اريد افرمت كلبي والغي رامه
واشيل العشك منه والغي رامه
عليك انت المخطط والغرامه
لان حسنك كسر قفله عليه
-------------------
نحيل الجسم من بعدك تراني
واريدك دوم بعيونك تراني
افكر بيك كل ساعه تره اني
احبك حيل يل كلك اليه
-------------------
كلبي ما لعب غيره لعابه
واحسن دوه لامراضي لعابه
سبحانه الذي صاغه لعابه
ونفخ بي روح حتى يعم عليه
-------------------
تطش روحي ابدرب اضلم ولمهة
ونة الحاير بالامي والمهة
ابوهة كل ذنب مالة ولا امهة
الذنب ذنبي هويت ابلا وعية
------------------
افرح لو شفت وجهك وسر بيه
وحبك بالكلب ثابت وسر بيه
شماطال الدرب امشي وسر بيه
واجيب الروح لعيونك هديه
------------------
شطر من كلبي أخذة ومنة خل تك
وبعد شترجة كاعد من نخلتك
على الغربيل أعاين من نخلتك
طحت مني كبل لا هز أديــة
------------------
على زعلك ما اكدر تراني
وكلبي من جفاك تراه ني
لو تحط عينك بعيني وتراني
جسد متشوف بس النفس بيه
------------------
كافي من الالم
ولك بس
كلبي ما عشك غيرك
ولك بس
من هجرك صحت بألم
ولك بس
تصد ليش يالغالي علية
------------------
زبد يا ملمس الوجنه ... من الحر
اخاف تموع من تمشي ... من الحر
ابنادم صورك ربك .... من الحر
وانه الدافع ثمن هاي البليه
------------------
وكع كلبي بغرامك ماتشيلة
ترى كلبي تعذب ماتشيلة
اخابر وانت تسمع ماتشيلة
وينك ياحلو بس رد علية
-----------------
يحلوا الاطباع واصلني وقارب
ماعندي اهل غيرك وقارب
سفينة بالبحر ردتك وقارب
تشيل الحمل من يصعب علية
-----------------
احلى من البدر يا اسمر وصفناك
ولكل مريض انته الدوه وصفناك
يا حافظ الله يسترنه وصفناك
كلي اشتعل من تصفن عليه

^_^ تحياتي للجميع **** اتمنى تعجبكم